← მთავარი
იმუნოპროფილაქტიკა
იმუნიზაცია და აცრების ეროვნული კალენდარი
გაეცანით აცრების ეროვნულ კალენდარს და დაგეგმეთ შემდეგი ნაბიჯი ოჯახის ექიმთან ერთად.
აცრის წესი
ბავშვის აცრის წესი
1 · მიმართეთ ექიმს
აცრის დასაგეგმად მიმართეთ იმ სამედიცინო დაწესებულებას, სადაც ბავშვი რეგისტრირებულია.
მომსახურების პირობები ოჯახის ექიმთან ან პედიატრთან გადაამოწმეთ.
2 · შეამოწმეთ კალენდარი
ქვემოთ მოცემულია პროფილაქტიკური აცრების ეროვნული კალენდარი. იპოვეთ ბავშვის ასაკი და
ნახეთ, რომელი აცრა ეკუთვნის.
3 · დაგეგმეთ ვიზიტი
ექიმთან შეათანხმეთ აცრის თარიღი და საჭირო დოკუმენტების ჩამონათვალი.
მომდევნო აცრის თარიღიც ვიზიტის დროს დააზუსტეთ.
ეროვნული კალენდარი
აცრების კალენდარი ასაკის მიხედვით
კალენდარი ეყრდნობა პროფილაქტიკური აცრების ეროვნულ კალენდარს. ზუსტი სქემა ბავშვის ჯანმრთელობის მდგომარეობის მიხედვით შეიძლება შეიცვალოს — გადაწყვეტილებას იღებს ექიმი.
| ასაკი | ვაქცინა | რისგან იცავს |
|---|---|---|
| დაბადებისთანავე | ჰეპატიტი B (I დოზა) | B ჰეპატიტი |
| 2 თვე | ხუთკომპონენტიანი (I) · პოლიო (I) · პნევმოკოკური (I) · როტავირუსული (I) | დიფთერია, ტეტანუსი, ყივანახველა, B ჰეპატიტი, ჰემოფილუსი, პოლიომიელიტი, პნევმოკოკი, როტავირუსი |
| 3 თვე | ხუთკომპონენტიანი (II) · პოლიო (II) · პნევმოკოკური (II) · როტავირუსული (II) | იგივე |
| 4 თვე | ხუთკომპონენტიანი (III) · პოლიო (III) · პნევმოკოკური (III) | იგივე |
| 12 თვე | წითელა-წითურა-ყბაყურა (I) | წითელა, წითურა, ყბაყურა |
| 18 თვე | ხუთკომპონენტიანი (რევაქცინაცია) · პოლიო (რევაქცინაცია) | დიფთერია, ტეტანუსი, ყივანახველა, პოლიომიელიტი |
| 5 წელი | წითელა-წითურა-ყბაყურა (II) · დიფთერია-ტეტანუსი | წითელა, წითურა, ყბაყურა, დიფთერია, ტეტანუსი |
| 13–45 წელი | ადამიანის პაპილომავირუსის საწინააღმდეგო (HPV) | HPV-ით გამოწვეული სიმსივნეები |
| 18 წლიდან | დიფთერია-ტეტანუსი (რევაქცინაცია ყოველ 10 წელიწადში) | დიფთერია, ტეტანუსი |
თუ აცრა გამოტოვეთ
გამოტოვებული აცრების შესავსებად ექიმი ინდივიდუალურ გრაფიკს ადგენს. მიმართეთ ოჯახის ექიმს
ან დაუკავშირდით ცენტრს: 595 05 25 92.
ხარისხის კონტროლი
ვაქცინის შენახვის პირობები („ცივი ჯაჭვი“)
ვაქცინის ხარისხისთვის მნიშვნელოვანია შენახვისა და გადაზიდვის შესაბამისი პირობები. ტემპერატურული რეჟიმი კონკრეტული ვაქცინის ინსტრუქციით განისაზღვრება.
წყარო: ჯანმრთელობის მსოფლიო ორგანიზაცია — ვაქცინების შენახვა და გადაზიდვა.
+2 °C … +8 °C
ვაქცინის შენახვის პირობები
მრავალი ვაქცინა +2 °C-დან +8 °C-მდე ტემპერატურაზე ინახება.
ზუსტი პირობები მწარმოებლის ინსტრუქციით განისაზღვრება.
ტემპერატურის მონიტორინგი ვაქცინის ხარისხის დაცვას ემსახურება.
ტემპერატურის აღრიცხვა
შენახვისა და გადაზიდვის დროს ტემპერატურის აღრიცხვა
შესაძლო გადახრის დროულად გამოვლენას ემსახურება.
გადახრაზე რეაგირება
ტემპერატურული რეჟიმის დარღვევის შემთხვევაში ვაქცინის გამოყენების საკითხს
პასუხისმგებელი სპეციალისტი შესაბამისი წესით აფასებს.
მარაგისა და მოძრაობის აღრიცხვა
მიღებული და გაცემული ვაქცინები აღირიცხება პარტიის, რაოდენობისა
და მიმღები დაწესებულების მიხედვით.