„თექის ხელოვნების" ორთვიანი კურსი წარმატებით დასრულდა

🎨ზუგდიდის მუნიციპალიტეტის სახელოვნებო სკოლების გაერთიანების სამხატვრო სკოლაში წარმატებით დასრულდა გამოყენებითი ხელოვნების წრის მოსწავლეებისთვის ჩატარებული ორთვიანი სასწავლო კურსი – „თექის ხელოვნება“, რომელსაც პედაგოგი ეკატერინე ჯოლოგუა უძღვებოდა.
🧵დასკვნით გაკვეთილს დაესწრო სახელოვნებო სკოლების გაერთიანების დირექტორი ნათია ფიფია, რომელმაც მოსწავლეებთან ერთად თექის მცირე კომპოზიციებიც შექმნა და კურსდამთავრებულებს სერტიფიკატები გადასცა.
🎊 გვიხარია, რომ ამ საინტერესო კურსმა ბავშვებს ახალი ცოდნა, გამოცდილება და შემოქმედებითი უნარები შესძინა.
🎊 ახალი სასწავლო წლიდან იგეგმება თექის ხელოვნების ახალი ჯგუფის ჩამოყალიბება, რათა კიდევ უფრო მეტმა მოზარდმა მიიღოს შესაძლებლობა გაეცნოს ამ უძველეს და საინტერესო ხელოვნებას.
🎊 ვულოცავთ ჩვენს მოსწავლეებს კურსის წარმატებით დასრულებას და მათ მომავალ შემოქმედებით წარმატებებს ვუსურვებთ!